Foilsíonn Cúirt Iniúchóirí na hEorpa torthaí a cuid oibre iniúchóireachta i dtuarascálacha den uile chineál – tuarascálacha bliantúla, tuarascálacha bliantúla sonracha agus tuarascálacha speisialta – ag brath ar an gcineál iniúchóireachta. Ar na hábhair eile a fhoilsítear, áirítear tuairimí agus foilseacháin bunaithe ar athbhreithnithe.
Bíonn torthaí ó obair iniúchóireachta airgeadais agus chomhlíontachta ar bhuiséad an Aontais Eorpaigh agus ar Chistí Eorpacha Forbraíochta le fáil i dtuarascálacha bliantúla. Is éard atá iontu ná na ráitis bhliantúla urrúis, agus cumhdaíonn siad freisin gnéithe maidir le bainistiú buiséadach agus feidhmíocht.
I dtuarascálacha speisialta, tugtar na torthaí ó rogha iniúchóireachtaí feidhmíochta agus comhlíontachtai sainréimsí an chaiteachais nó an bheartais, nó maidir le saincheisteanna buiséadacha nó bainistíochta.
Foilseacháin bunaithe ar athbhreithnithe amhail athbhreithnithe lánléargais, páipéir faisnéisithe, athbhreithnithe prasa ar chásanna agus doiciméid eolais. Doiciméid thuairisciúla agus anailíseacha a bhaineann le réimsí beartais nó saincheisteanna bainistíochta atá ar scála mór agus atá casta is ea na hathbhreithnithe lánléargais, ina leagaimid amach an taithí agus an t-eolas ar fad atá againn ar an ábhar roghnaithe, a bhíonn leathan ó thaobh dearcadh de go minic. Tá páipéir faisnéisithe comhchosúil le hathbhreithnithe lánléargais (doiciméid thuairisciúla agus anailíseacha a bhaineann le réimsí beartais nó bainistíochta), ach ó thaobh cineáil de, díríonn siad ar thopaicí atá níos dírithe. Sna hathbhreithnithe prasa ar chásanna, cuirtear fíricí i láthair agus déantar fíricí a dheimhniú maidir le saincheisteanna atá an-dírithe agus, más gá, féadfar anailís a áireamh orthu chun tuiscint a thabhairt ar na fíricí sin. Soláthraítear le doiciméid eolais faisnéis bunaithe ar obair ullmhúcháin a dhéantar sula gcuirtear tús le tasc leanúnach iniúchóireachta. Tá sé beartaithe go mbeidh siad ina bhfoinsí faisnéise dóibh siúd ar spéis leo an beartas agus/nó an clár á iniúchadh.
Tugann tuairimí ár mbarúlacha ar dhlíthe nua nó ar dhlíthe nuashonraithe a bhfuil tionchar nach beag orthu ar bhainistíocht airgeadais AE.
Sna tuarascálacha bliantúla sonracha, cuirtear i láthair na torthaí ó na hiniúchtaí airgeadais bliantúla ar ghníomhaireachtaí AE, ar chomhlachtaí díláraithe agus ar ghnóthais chomhpháirteacha.
Foilsítear gach tuarascáil, gach tuairim agus gach athbhreithniú, i ngach teanga oifigiúil de chuid AE, ar shuíomh gréasáin Chúirt Iniúchóirí na hEorpa.