Beartas cumarsáide agus prionsabail chumarsáide

• údaráis pholaitiúla atá freagrach as maoirseacht phoiblí a dhéanamh ar úsáid chistí an Aontais, i.e. Parlaimint na hEorpa, Comhairle an Aontais Eorpaigh agus Parlaimintí náisiúnta;
• iniúchaithe a bhfuil sé de chúram orthu cistí an Aontais a fháil agus a bhainistiú, i.e. an Coimisiún Eorpach, institiúidí eile an Aontais, gníomhaireachtaí agus comhlachtaí díláraithe, agus na húdaráis náisiúnta;  
• iniúchóirí eile a dhéanann iniúchóireacht ar chistí an Aontais, lena n-áirítear Uasfhorais Iniúchóireachta na mBallstát.

Prionsabail chumarsáide

• Mar iniúchóir seachtrach an Aontais Eorpaigh, cuireann Cúirt Iniúchóirí na hEorpa prionsabail na hoscailteachta agus na trédhearcachta i bhfeidhm agus cuireann sí faisnéis inrochtana agus thráthúil ar fáil maidir lena ról, lena cuid oibre agus leis na torthaí a bhaineann sí amach.
• Cuidítear leis an gcumarsáid ó Chúirt Iniúchóirí na hEorpa le heolas agus tuiscint a áirithiú maidir le torthaí a cuid oibre, agus léirítear léi an chaoi a bhfuil a cuspóir á baint amach aici, is é sin go gcuideoidh sí le bainistiú airgeadais a bheidh níos fearr.
• Chun go gcosnófar an caidreamh proifisiúnta idir iniúchóirí agus iniúchaithe, agus i gcomhréir leis na caighdeáin idirnáisiúnta iniúchóireachta agus leis na ceanglais dlí, níl rochtain ag an bpobal ach ar an bhfaisnéis a bhíonn ar fáil i dtuarascálacha foilsithe na Cúirte. Nuair is gá sin, soláthraíonn Cúirt Iniúchóirí na hEorpa faisnéis chúlra agus chomhthéacs chun cabhrú le léitheoirí teacht ar thuiscint níos fearr ar a cuid torthaí.
• Eagraíonn Cúirt Iniúchóirí na hEorpa preasagallaimh maidir leis an tuarascáil bhliantúil, agus, ar bhonn roghnaitheach, maidir le tuarascálacha speisialta, le tuairimí agus le hábhair eile. Eisítear preaseisiúintí maidir le tuarascálacha foilsithe uile agus ábhair sonracha Chúirt Iniúchóirí na hEorpa, agus tá teacht orthu ar www.eca.europa.eu.
• Déanann an tUachtarán ionadaíocht ar Chúirt Iniúchóirí na hEorpa agus labhraíonn sé ar a son maidir le hábhair a bhaineann lena beartais, lena cuspóirí agus lena luachanna, mar aon leis na tuarascálacha bliantúla. Is é urlabhraí Chúirt Iniúchóirí na hEorpa a thacaíonn leis an Uachtarán agus leis na Comhaltaí sa ról sin. Is iad Comhaltaí an tuairiscithe, nó daoine a ainmníonn siad, a labhraíonn ar son Chúirt Iniúchóirí na hEorpa i gcás tuarascálacha speisialta nó ábhair shonracha.
• Is tríd an idirlíon agus na tuarascálacha iniúchóireachta agus fhoilseacháin eile, trí imeachtaí agus an preas agus na meáin eile a dhéanann Cúirt Iniúchóirí na hEorpa cumarsáid. Tá a cuid tuarascálacha iniúchóra uile agus a cuid tuairimí uile ar fáil i dteangacha oifigiúla uile AE ar a suíomh gréasáin www.eca.europa.eu agus ón Siopa leabhar AE. Is é suíomh gréasáin Chúirt Iniúchóirí na hEorpa a príomhardán faisnéise.

An ceart chun rochtain a fháil ar dhoiciméid