News

Skont rapport speċjali ġdid li ġie ppubblikat illum mill-Qorti Ewropea tal-Awdituri (QEA), lazzjoni li ttieħdet mill-UE ma wasslitx għall-irkupru ta’ ammont sinifikanti ta’ ekosistemi u ħabitats tal-baħar. Il-qafas tagħha għall-protezzjoni tal-ambjent tal-baħar mhuwiex approfondit biżżejjed biex l-ibħra jiġu restawrati għal kundizzjoni ambjentali tajba, filwaqt li lfondi tal-UE rarament jappoġġaw il-konservazzjoni tal-ispeċijiet u l-ħabitats tal-baħar. Lawdituri sabu li ż-żoni tal-baħar protetti (MPAs) jipprovdu protezzjoni reali limitata, filwaqt li għadu jsir sajd eċċessiv, b’mod partikolari fil-Mediterran.

L-UE hija impenjata li tipproteġi l-ambjent tal-baħar permezz tal-politiki ambjentali u tas-sajd tagħha. Il-politiki ambjentali prinċipali tagħha huma stipulati fid-Direttiva Kwadru dwar l- Istrateġija Marina u fid-Direttivi dwar l-Għasafar u l-Ħabitats, u jinkludu l-istabbiliment ta’ network ta’ MPAs. Il-politika komuni tas-sajd tal-UE għandha l-għan li tiżgura li l-attivitajiet tassajd ikunu ambjentalment sostenibbli, u li timminimizza kemm jista’ jkun l-impatti negattivi tagħhom fuq l-ekosistema tal-baħar, kif ukoll li tipprovdi finanzjament. Madankollu, l-UE ma rnexxilhiex twaqqaf it-telfien tal-bijodiversità tal-baħar fl-ibħra tal-Ewropa.

“Minħabba l-importanza ekonomika, soċjali u ambjentali tagħhom, l-ibħra huma tassew teżor. Madankollu, l-azzjoni li ttieħdet mill-UE sa issa ma ppermettietx li l-ibħra Ewropej jiġu restawrati għal status ambjentali tajjeb, u lanqas li s-sajd imur lura għal livelli sostenibbli”, qal João Figueiredo, il-Membru tal-Qorti Ewropea tal-Awdituri responsabbli għar-rapport. L-awditu li wettaqna jissenjala b’mod ċar sitwazzjoni allarmanti f’dak li jirrigwarda l-protezzjoni tal-baħar tal-UE.”