It-Task Force biex tesplora l-possibbiltajiet għal kooperazzjoni mal-Eurostat u mal-istituzzjonijiet nazzjonali tal-istatistika (NSIs) ġiet stabbilita f’Ottubru 2011 u kienet kopreseduta mis-SAIs tad-Danimarka u tal-Polonja. L-għan kumplessiv tat-Task Force kien li tidentifika oqsma fejn is-SAIs, l-Eurostat u l-istituzzjonijiet nazzjonali tal-istatistika jistgħu jikkooperaw, u li tagħti pariri dwar azzjonijiet konkreti. L-attivitajiet tat-Task Force kienu jinkludu l-iżvilupp ta' kwestjonarju għall-ġbir ta’ informazzjoni dwar is-“sitwazzjoni” attwali tar-relazzjoni bejn is-SAIs u l-NSIs, kif ukoll l-istabbiliment tal-kuntatt għall-NSIs għall-iskambju ta’ fehimiet dwar il-possibbiltà ta’ kooperazzjoni. Fil-laqgħa tagħha f’Kopenħagen f’Ġunju 2012, it-Task Force iddiskutiet – bil-parteċipazzjoni ta’ rappreżentanti mill-Eurostat u mill-NSI Daniż – ir-riżultati tal-kwestjonarju, kif ukoll rekwiżiti legali u forom possibbli ta’ kooperazzjoni. It-Task Force rrappurtat ir-riżultati tax-xogħol tagħha fil-laqgħa tal-Kumitat ta’ Kuntatt 2012. It-Task Force ikkompletat xogħolha bir-Rapport ta’ sfond u r-Resolution on SAIs’ cooperation with Eurostat and the NSIs (Riżoluzzjoni dwar il-kooperazzjoni tas-SAIs mal-Eurostat u mal-NSIs) (CC-R-2012-2).
Għal aktar informazzjoni kkuntattja
lis-Sinjura Nanna Henning (Ko-President), L-Uffiċċju Nazzjonali tal-Awditjar tad-Danimarka (nh@rigrevisionen.dk)
lis-Sur Jacek Mazur, (Ko-President), L-Uffiċċju Suprem tal-Awditjar tal-Polonja (Jacek.Mazur@nik.gov.pl)
Rapporti Relatati: