L-impatt tal-kriżi finanzjarja u ekonomika attwali ma jistax jiġi sottostmat, kemm għall-pajjiżi fiż-zona tal-Euro kif ukoll għall-pajjiżi li mhumiex fiż-żona tal-Euro. Dan jinkludi r-rwol tas-SAIs fir-rigward tal-awditjar ta’ arranġamenti, miżuri u istrumenti (ġodda) żviluppati fl-UE kontra l-kriżi. Il-Kumitat ta’ Kuntatt segwa l-proposta mis-SAI tal-Pajjiżi l-Baxxi u fil-laqgħa tagħhom tat-13 u l-14 ta’ Ottubru 2011 iddeċieda li jistabbilixxi grupp ta’ ħidma dwar id-defiċits fl-awditjar pubbliku (Riżoluzzjoni tal-Kumitat ta’ Kuntatt CC-R-2011-05).

Il-grupp ta’ ħidma ngħata mandat biex jagħmel studju pilota li kien jikkonsisti f'talba għal informazzjoni lil awtoritajiet superviżorji finanzjarji (FSA) sabiex jiġu identifikati possibbiltajiet ta' defiċits fl-awditjar pubbliku relatati mal-kopertura tal-mandat tas-SAIs u d-drittijiet ta’ aċċess għal informazzjoni. Il-Kumitat ta’ Kuntatt talab li l-grupp ta’ ħidma jirrapporta lura dwar ir-riżultati tal-istudju pilota fil-laqgħa tiegħu li jmiss fl-2012.

Is-SAI tal-Pajjiżi l-Baxxi kkoordinat dan il-grupp ta’ ħidma. L-istudju pilota twettaq minn 13-il SAI nazzjonali u mill-Qorti Ewropea tal-Awdituri. F’Ottubru 2012 ir-rapport finali u riżoluzzjoni ġew ippreżentati u adottati mill-Kumitat ta’ Kuntatt (Riżoluzzjoni tal-Kumitat ta’ Kuntatt CC-R-2012-03).

Għal aktar informazzjoni kkuntattja

lis-Sur Peter van Roozendaal, Il-Qorti tal-Awdituri tal-Pajjiżi l-Baxxi (P.vanRoozendaal@rekenkamer.nl)

Rapporti Relatati:​​