Fis-sena 2000 il-Kumitat ta’ Kuntatt waqqaf grupp ta’ ħidma biex jissorvelja studji paralleli dwar il-ġestjoni ta’ Fondi Strutturali fl-Istati Membri. L-għan ta’ dawn l-istudji kien li tinkiseb deskrizzjoni preċiża, korretta u dokumentata tal-proċeduri implimentati fl-Istati Membri għall-ġestjoni u l-kontroll tal-Fondi Strutturali. Il-Grupp ta’ Ħidma wettaq stħarriġ esplorattiv dwar il-Fondi Strutturali tal-UE (2000-2006) u ppreżenta rapport fl-2002.

Fl-2002, il-Grupp ta’ Ħidma kompla xogħlu bħala l-Grupp ta’ Ħidma dwar il-Fondi Strutturali I bl-għan li jwettaq awditu parallel tal-arranġamenti għall-iżgurar ta’ rendikont tal-entrati adegwat inkluż il-kontroll tal-5 % kif meħtieġ mir-Regolament tal-Kunsill 1260/1999 u mir-Regolament tal-Kummissjoni 438/2001. Ġie ppreżentat rapport fl-2004.

Fl-2004, il-Grupp ta’ Ħidma ngħata mandat ġdid (Fondi Strutturali II) biex ikompli xogħlu b’analiżi qasira u ffukata dwar il-proċessi għall-identifikazzjoni, ir-rappurtar u s-segwitu ta’ irregolaritajiet. Ġie ppreżentat rapport fl-2006.

Fl-2006, il-Kumitat ta’ Kuntatt inkariga lill-Grupp ta’ Ħidma dwar il-Fondi Strutturali III biex dan ikompli bl-analiżijiet tiegħu dwar kwistjonijiet tal-Fondi Strutturali u speċifikament biex iwettaq awditu dwar il-prestazzjoni (output/effettività) tal-programmi tal-Fondi Strutturali fl-oqsma ta’ impjieg u/jew tal-ambjent. Ġie ppreżentat rapport fl-2008.

Fl-2008, il-Kumitat ta’ Kuntatt ta mandat lill-Grupp ta’ Ħidma dwar il-Fondi Strutturali IV biex dan ikompli xogħlu b’analiżi ffukata fuq spejjeż ta’ kontrolli (li possibbilment tinkludi l-użu ta’ għajnuna teknika għall-kontrolli ta’ Fondi Strutturali). Ġie ppreżentat rapport fl-2011.

Fl-2011, il-Kumitat ta’ Kuntatt ta mandat lill-Grupp ta’ Ħidma dwar il-Fondi Strutturali V biex ikompli xogħlu b’analiżi ffukata fuq is-simplifikazzjoni tar-regolamenti għal Fondi Strutturali. Ġie sottomess rapport fl-2013.

Fl-2013, il-Kumitat ta' Kuntatt ta kompitu lill-Grupp ta' Ħidma dwar il-Fondi Strutturali VI biex ikompli l-eżami tiegħu tal-Fondi Strutturali u biex iwettaq awditu parallel dwar l-"Analiżi tal-iżbalji fl-akkwist pubbliku fi ħdan il-programmi tal-Fondi Strutturali". Rapport ġie ppreżentat fl-2015.

Fl-2015, il-Kumitat ta’ Kuntatt ta mandat lill-Grupp ta’ Ħidma biex ikompli b’xogħlu u biex iwettaq awditu parallel dwar “il-kontribut tal-Fondi Strutturali għall-istrateġija Ewropa 2020 fl-oqsma tal-edukazzjoni u/jew tal-impjieg”. Ġie ppreżentat rapport fl-2017.

Għal aktar informazzjoni kkuntattja

• lis-Sinjura Joachim Fuhs, Bundesrechnungshof joachim.fuhs@brh.bund.de
• lis-Sur Beate Korbmacher, Bundesrechnungshof beate.korbmacher@brh.bund.de

Rapporti Relatati:​​