Tá oibleagáid dhlíthiúil ar gach institiúid den Aontas Eorpach clár lárnach a choimeád dá gcuid gníomhaíochtaí próiseála (Airteagal 31 de Rialachán 2018/1725).

Caithfidh an fhaisnéis seo a leanas, ar a laghad, a bheith sa chlár (Airteagal 31(1) den rialachán):

  • ainm agus sonraí teagmhála an rialaitheora, an oifigigh cosanta sonraí agus, i gcás inarb infheidhme, an phróiseálaí agus an rialaitheora chomhpháirtigh;

  • críocha na próiseála;

  • tuairisc ar na catagóirí ábhar sonraí agus ar na catagóirí sonraí pearsanta;

  • na catagóirí faighteoirí ar nochtadh na sonraí pearsanta dóibh nó a nochtfar na sonraí pearsanta dóibh;

  • i gcás inarb infheidhme, aistrithe sonraí pearsanta go tríú tír nó go heagraíocht idirnáisiúnta, agus na doiciméid maidir le coimircí oiriúnacha;

  • i gcás inar féidir, na teorainneacha ama atá beartaithe chun catagóirí éagsúla sonraí a léirscriosadh;

  • i gcás inar féidir, cur síos ginearálta ar na bearta slándála teicniúla agus eagraíochtúla atá déanta chun na sonraí pearsanta sin a chosaint.

Tá an tseanfhormáid de chlár taifead na Cúirte Iniúchóirí le fáil anseo.

Tá athrú ó bhonn á dhéanamh faoi láthair ag an gCúirt Iniúchóirí ar a chlár – táthar fós ag obair ar an liosta anseo thíos de rialaitheoirí sa Chúirt Iniúchóirí agus ar na taifid próiseála sonraí pearsanta a bhaineann leo.