L-istituzzjonijiet kollha tal-UE huma obbligati legalment li jżommu reġistru ċentrali ta’ rekords tal-attivitajiet ta’ pproċessar (l-Artikolu 31 tar-(Regolament (UE) 2018/1725).

Ir-reġistru jrid ikun fih mill-anqas l-informazzjoni li ġejja (l-Artikolu 31(1) tar-regolament):

  • l-isem u d-dettalji ta’ kuntatt tal-kontrollur, l-uffiċjal tal-protezzjoni tad-data u, fejn applikabbli, il-proċessur u l-kontrollur konġunt;

  • il-finijiet tal-ipproċessar;

  • deskrizzjoni tal-kategoriji ta’ suġġetti tad-data u tal-kategoriji tad-data personali;

  • il-kategoriji ta’ riċevituri li lilhom tkun ġiet divulgata jew tkun se tiġi divulgata d-data personali;

  • meta jkun applikabbli, trasferimenti ta’ data personali lil pajjiż terz jew lil organizzazzjoni internazzjonali, b’dokumentazzjoni ta’ salvagwardji xierqa;

  • fejn ikun possibbli, iż-żmien li warajh ikunu se jitħassru d-diversi kategoriji ta’ data;

  • fejn ikun possibbli, deskrizzjoni ġenerali tal-miżuri tekniċi u organizzattivi ta’ sigurtà li jkunu ttieħdu għall-protezzjoni ta’ dik id-data personali.

Tista’ ssib il-format l-antik tar-reġistru ta’ rekords tal-QEA hawnhekk.

Attwalment il-QEA qed ġġedded ir-reġistru tagħha – il-lista li ġejja ta’ kontrolluri tal-QEA u tar-rekords tal-ipproċessar tad-data personali tagħhom għadha qed tinbena.