Il-Qorti Ewropea tal-Awdituri (“QEA”) hija suġġetta għal obbligi legali rigward il-protezzjoni ta’ data personali, kif stabbilit mir-Regolament (UE) 2018/1725(opens in new window) (“EUDPR”).

F’konformità mal-Artikolu 43(1) tal-EUDPR, il-QEA ħatret persuna waħda bħala Uffiċjal tal-Protezzjoni tad-Data (“UPD”). Id-dmir prinċipali tiegħu huwa li jaħdem b’mod indipendenti biex jiżgura li l-EUDPR jiġi applikat fi ħdan il-QEA.

Il-kompiti tal-UPD jinkludu li:

• jinforma u jagħti pariri lill-persuni responsabbli għall-ipproċessar ta’ data personali, inklużi kemm is-(sotto)kuntratturi kif ukoll il-persunal, rigward l-obbligi u d-drittijiet tagħhom ta’ protezzjoni tad-data;

• jimmonitorja l-konformità mal-EUDPR u ma’ leġiżlazzjoni oħra tal-UE li jkun fiha dispożizzjonijiet dwar il-protezzjoni tad-data, inklużi regoli interni;

• jimmonitorja l-konformità mal-politiki u l-proċeduri tal-QEA dwar il-protezzjoni tad-data, inkluża l-assenjazzjoni tar-responsabbiltajiet;

• jiżgura li l-persuni li d-data personali tagħhom tiġi pproċessata jiġu infurmati dwar id-drittijiet tagħhom skont l-EUDPR;

• iwettaq u jorganizza awditi biex jivverifika l-konformità tal-QEA mal-obbligi ta’ protezzjoni tad-data;

• jiżgura li l-persuni li d-data personali tagħhom tiġi pproċessata jiġu infurmati dwar id-drittijiet tagħhom skont l-EUDPR;

• jipprovdi pariri jekk tkun meħtieġa notifika jew komunikazzjoni minħabba ksur ta’ data personali;

• jipprovdi pariri meta titwettaq valutazzjoni tal-impatt fuq il-protezzjoni tad-data, jimmonitorja t-twettiq tagħha u jikkonsulta lill-Kontrollur Ewropew għall-Protezzjoni tad-Data (“EDPS”) f’każ ta’ dubji dwar il-ħtieġa ta’ valutazzjoni tal-impatt fuq il-protezzjoni tad-data;

• jipprovdi pariri dwar il-ħtieġa għal konsultazzjoni minn qabel mal-EDPS fejn l-ipproċessar ta’ data personali jkun joħloq riskju serju għad-drittijiet u l-libertajiet tal-persuni fiżiċi u l-kontrollur ikun jemmen li r-riskju ma jistax jiġi mmitigat b’mod raġonevoli fid-dawl tal-mezzi teknoloġiċi u l-ispejjeż tal-implimentazzjoni.

• iwieġeb għat-talbiet mingħand l-EDPS;

• jiżgura li d-drittijiet u l-libertajiet tal-persuni li d-data personali tagħhom tiġi pproċessata ma jiġux affettwati ħażin mill-attivitajiet ta’ pproċessar.

Il-UPD jista’ jagħmel rakkomandazzjonijiet prattiċi biex itejjeb il-protezzjoni tad-data fi ħdan il-QEA.

Il-kumitat tal-persunal, il-kontrolluri u l-proċessuri tad-data, il-membri tal-persunal tal-QEA u kwalunkwe individwu ieħor jistgħu jikkonsultaw lill-UPD dwar kwalunkwe kwistjoni li tikkonċerna l-interpretazzjoni jew l-applikazzjoni tal-EUDPR, mingħajr ma dawn jgħaddu mill-kanali uffiċjali.

Il-UPD jista’ jinvestiga kwistjonijiet u okkorrenzi relatati direttament mal-kompiti tiegħu fuq inizjattiva tiegħu stess jew fuq talba ta’ kwalunkwe individwu, u jirrapporta lura lill-persuna li kkummissjonat l-investigazzjoni.

Ħadd ma għandu jġarrab preġudizzju minħabba li jkun ikkuntattja lill-UPD rigward ksur allegat tal-EUDPR jew ta’ regoli oħra dwar il-protezzjoni tad-data.

Reġistru tar-Rekords

Il-UPD iżomm ukoll reġistru tal-ipproċessar kollu ta’ data personali mill-QEA, li fih informazzjoni li tispjega l-iskop u l-kundizzjonijiet tal-attivitajiet ta’ pproċessar.

Jum għall-Protezzjoni tad-Data

Fit-28 ta’ Jannar 1981, il-Kunsill tal-Ewropa adotta l-Konvenzjoni 108(opens in new window), l-ewwel strument internazzjonali legalment vinkolanti dwar il-protezzjoni tad-data. B’kommemorazzjoni ta’ dan l-iżvilupp importanti ħafna, l-Istati Membri tal-Kunsill tal-Ewropa, kif ukoll l-istituzzjonijiet, l-aġenziji u l-korpi tal-UE, jiċċelebraw il-Jum għall-Protezzjoni tad-Datafit-28 ta’ Jannar. L-iskop ta’ dan il-jum, li huwa wkoll magħruf madwar id-dinja bħala l-Jum għall-Privatezza tad-Data, huwa li joħloq sensibilizzazzjoni u jippromwovi l-aħjar prattiki f’dak li jirrigwarda l-privatezza u l-protezzjoni tad-data.

Il-Qorti Ewropea tal-Awdituri

Elena MAPELLE

Uffiċjal għall-Protezzjoni tad-Data

Tel: (+352) 4398-47777

E-posta: No spam please!eca-data-protection@eca.europa.eu​