Opportunitajiet ta' impjieg

Il-persunal tagħna huwa magħmul, fil-biċċa l-kbira, minn uffiċjali rreklutati mil-listi ta’ riżerva tal-kompetizzjonijiet ġenerali organizzati mill-Uffiċċju Ewropew għas-Selezzjoni tal-Persunal  (EPSO). Madankollu, f’ċerti ċirkostanzi, il-Qorti tista’ wkoll tagħmel użu minn aġenti temporanji jew aġenti kuntrattwali.

Biex tkun eliġibbli għal wieħed mill-postijiet proposti mill-Qorti Ewropea tal-Awdituri, trid tkun ċittadin ta’ wieħed mill-Istati Membri tal-Unjoni Ewropea. Madankollu, nitolbuk tikkonsulta l-kundizzjonijiet ta’ eliġibbiltà għal kull proċedura.

L-applikazzjonijiet, bl-Ingliż jew bil-Franċiż, iridu jiġu ppreżentati permezz tal-formola disponibbli online għal kull offerta. Fejn applikabbli, l-offerti tagħna huma disponibbli fil-lingwi uffiċjali l-oħra tal-Unjoni Ewropea, f’format PDF, fl-avviż ta’ post battal.

Għal kwalunkwe kjarifika dwar il-metodi ta’ reklutaġġ tagħna, informazzjoni dwar l-applikazzjoni tiegħek, jew għal problemi tekniċi, inti tista’ tikkuntattjana billi timla din il-formola . Tista’ tiktbilna fi kwalunkwe lingwa uffiċjali tal-Unjoni Ewropea, u aħna nibagħtulek risposta fl-istess lingwa.

Barra minn hekk, inħeġġuk ukoll tikkonsulta l-links li ġejjin:

• Ħidma fil-Qorti Ewropea tal-Awdituri

• Programm ASPIRE

• Dikjarazzjoni speċifika ta' privatezza fir-rigward tal-impjiegi disponibbli

• EPSO 

• Skemi ta' taħriġ

• Ir-Regolamenti tal-Persunal għall-uffiċjali u l-Kundizzjonijiet tal-Impjieg applikabbli għall-aġenti l-oħra tal-Unjoni Ewropea 

Listi ta’ riżerva:

• Lista ta’ riżerva għal aġenti tas-sigurtà — Aġenti kuntrattwali GF I (estiża sal-31 ta’ Diċembru 2019)

• Lista ta’ riżerva ECA/2017/7 - Avukat speċjalizzat fid-Dritt Ewropew, b'esperjenza (estiża sal-31 ta’ Diċembru 2019)

• Lista ta’ riżerva ECA/2017/13 - Assistent tal-Kap tas-Sigurtà (estiża sal-31 ta’ Diċembru 2019)

• Lista ta’ riżerva għal traduttur tal-lingwa Maltija – Aġent temporanju (estiża sal-31 ta’ Diċembru 2019)

• Lista ta’ riżerva għal traduttur tal-lingwa Spanjola – Aġent temporanju (estiża sal-31 ta’ Diċembru 2019)

• Lista ta’ riżerva għal traduttur tal-lingwa Daniża– Aġent temporanju (estiża sal-31 ta’ Diċembru 2019)

• Lista ta’ riżerva għal Uffiċjali tal-Komunikazzjoni – Aġent temporanju (estiża sal-31 ta’ Diċembru 2019)

• Lista ta’ riżerva: Sejħa għal espressjonijiet ta' interess - Awdituri – Programm għall-Professjonisti Subalterni - Persunal temporanju (AD 5)

• Lista ta’ riżerva: Sejħa għal espressjonijiet ta’ interess – Persunal temporanju – Assistent “speċjalizzat fl-użu ta’ armi tan-nar u fl-isparar” – Servizz tas-Sigurtà u s-Sikurezza (AST3)