Aħna qed inkomplu nagħmlu kull sforz biex innaqqsu l-impatt tal-pandemija fuq il-persunal tagħna u biex nimminimizzaw ir-riskju għalihom u għall-familji tagħhom. Fid-dawl tal-iżviluppi reċenti, id-deċiżjoni tat-13 ta' Settembru li tippermetti ritorn fl-uffiċċju għal mill-inqas jumejn fil-ġimgħa fuq il-post tnaqqset għal jum wieħed fil-ġimgħa (medja fix-xahar) b'effett mill-1 ta' Diċembru 2021.
Fl-istess ħin, għamilna dak kollu li nistgħu biex inkomplu nagħtu servizz tal-awditjar pubbliku fl-UE li jkun effettiv, u biex inwasslu rapporti tal-awditjar, opinjonijiet u rapporti analitiċi f'waqthom.
Fejn kien xieraq, biddilna l-ambitu tal-kompiti tagħna li jinsabu għaddejjin, u aġġustajna l-approċċ u l-iskeda ta' żmien tagħna biex nieħdu kont ta' ċirkustanzi li qed jinbidlu.
Il-Programm ta' Ħidma tagħna huwa wkoll imsawwar mill-kriżi mingħajr preċedent li qed niffaċċjaw. Kwart mill-kompiti tal-awditjar kollha li se nibdew fl-2021 se jittrattaw ir-rispons li l-UE tat għall-pandemija tal-COVID-19 u l-implimentazzjoni tal-inizjattiva “Next Generation EU” (NGEU).