Introduzzjoni
Il-proċedura ta’ sejħa għall-offerti xierqa u l-metodi ta’ reklamar xierqa jintgħażlu abbażi tal-ammonti stmati għall-kuntratti; attwalment huma kif ġej:
|
Valur tal-offerta |
Proċedura minima meħtieġa |
Pubbliċità |
| ≤ EUR 15 000 | Proċedura nnegozjata ma' fornitur uniku tas-servizzi | Ebda pubbliċità |
| > EUR 15 000 sa
≤ EUR 60 000 | Proċedura nnegozjata b'mill-inqas 3 fornituri tas-servizzi | Il-paġna web tal-QEA |
> EUR 60 000 sa < s-soll tad-Direttiva (attwalment EUR 140 000 għas-servizzi/fornimenti u EUR 5 382 000 għax-xogħlijiet) | Proċedura nnegozjata ma' mill-inqas 5 fornituri tas-servizzi, jew Sejħa għal espressjonijiet ta' interess (CEI), proċedura ristretta jew miftuħa | Il-paġna web tal-QEA
TED |
| ≥ is-soll tad-Direttiva (fornimenti/servizzi > EUR 140 000 u xogħlijiet > EUR 5 382 000) | Proċedura miftuħa jew proċedura ristretta b'avviż dwar kuntratt ippubblikat f'Il-Ġurnal Uffiċjali (TED) | TED (eTendering) u l-paġna web tal-QEA |
| > EUR 60 000 b'ebda limitu superjuri – hekk imsejħa servizzi ta' reġim żgħir | Proċedura kompetittiva permezz tan-negozjati | TED (eTendering) u l-paġna web tal-QEA |
Proċeduri Proċeduri nnegozjati b'valur stmat ta' bejn > EUR 15 000 u < s-soll tad-Direttiva
Il-proċeduri nnegozjati kollha previsti mill-Qorti Ewropea tal-Awdituri fil-firxa ta' bejn > EUR 15 000 u < s-soll tad-Direttiva (fornimenti/servizzi < EUR 140 000 u xogħlijiet < EUR 5 382 000) huma ppubblikati hawn taħt. Ara: Pubbliċità
ex ante għal kuntratti ta' valur baxx u ta' valur medju:
Din il-previżjoni mhija vinkolanti fuq il-Qorti b'ebda mod. Barra minn hekk, proċeduri oħra ta' akkwist jistgħu jitwettqu
ad hoc skont il-ħtiġijiet tal-Qorti.
Jekk inti interessat f’xi waħda mill-proċeduri ta’ hawn fuq, jekk jogħġbok ikkuntattjana permezz tal-formola ta’ kuntatt, agħżel “Akkwist” u daħħal l-informazzjoni li ġejja: is-suġġett tal-proċedura ta’ sejħa għal offerti, l-isem, l-indirizz u d-dettalji ta’ kuntatt tal-kumpanija tiegħek.
Proċeduri tal-offerti b'valur stmat li huwa 'l fuq mis-soll tad-Direttiv
Il-proċeduri kollha tal-offerti b'valur stmat li huwa 'l fuq mis-soll tad-Direttiva (fornimenti/servizzi ≥ EUR 140 000 u xogħlijiet ≥ EUR 5 382 000) issirilhom pubbliċità f'Il-Ġurnal Uffiċjali (TED), li huwa s-sors primarju ta' informazzjoni dwar proċeduri kbar ta' akkwist pubbliku.
Nitolbuk tinnota li l-Qorti Ewropea tal-Awdituri ma toħroġx kopji stampati tad-dokumentazzjoni tal-offerti. Id-dokumentazzjoni neċessarja kollha hija disponibbli elettronikament fuq dan is-sit web u fuq eTendering permezz tal-link ipprovduta fl-avviż dwar kuntratt (il-punt I.3).
Jekk ikollok xi problemi biex tniżżel dokumenti, jekk jogħġbok ikkuntattjana permezz tal-formola ta’ kuntatt, agħżel “Akkwist” u daħħal in-numru ta’ referenza u t-titlu tal-proċedura ta’ sejħa għal offerti li tkun rilevanti.
Barra minn hekk, nitolbuk tinnota li spjegazzjonijiet li jikkonċernaw id-dokumentazzjoni u/jew kwalunkwe emenda jistgħu jiġu ppubblikati matul il-perjodu ta' żmien li huwa permess għall-preżentazzjoni ta' offerti. Kull informazzjoni addizzjonali tkun disponibbli fuq eTendering biss u tkun aċċessibbli permezz tal-link ipprovduta fl-avviż dwar kuntratt (il-punt I.3), b'hekk
huwa ferm irrakkomandat li l-offerenti jikkonsultawh regolarment billi informazzjoni addizzjonali tista' tiżdied fi kwalunkwe ħin sad-data tal-għeluq għall-preżentazzjoni tal-offerti.