No
No
 

Il-Qorti Ewropea tal-Awdituri għandha l-pjaċir toffri żjarat fi gruppi. Aħna għandna l-għan li lill-viżitaturi tagħna nipprovdulhom għarfien dwar ir-rwol u l-attivitajiet li nwettqu bħala parti mill-Unjoni Ewropea.

L-applikazzjonijiet iridu jiġu ppreżentati permezz tas-sit web tal-QEA mill-inqas xahrejn qabel id-data mitluba.

Nilqgħu kemm liċ-ċittadini tal-UE kif ukoll lil viżitaturi minn pajjiżi oħra, għalkemm il-viżitaturi kollha jrid ikollhom mill-inqas 14-il sena.

Għal raġunijiet ta' sigurtà u ta' spazju, aħna nistgħu norganizzaw biss żjarat għal gruppi li jkun fihom bejn 10 persuni u 50 persuna. Ma nistgħux noffru tours privati jew żjarat għal gruppi li jkunu iżgħar.

Iż-żjarat jistgħu jiġu bbukkjati matul is-sena, ħlief f'ċerti perjodi speċifiċi. Kull żjara ddum bejn 60 u 90 minuta, u tinkludi preżentazzjoni minn uffiċjal tal-QEA kif ukoll sessjoni ta' mistoqsijiet u tweġibiet.

Jekk inti interessat iżżur il-Qorti Ewropea tal-Awdituri, jekk jogħġbok imla l-formola ta' applikazzjoni ta' hawn taħt.

Jekk jogħġbok uża l-kaxxa “Informazzjoni addizzjonali" fil-formola ta' applikazzjoni biex tinfurmana dwar kwalunkwe ħtiġijiet, aspettattivi jew talbiet speċifiċi.

Inti se tirċievi email inizjali li tikkonferma l-wasla tal-applikazzjoni tiegħek u, jekk l-applikazzjoni tiegħek tiġi aċċettata, wara nibagħtulek aktar dettalji dwar iż-żjara tiegħek.

Nirringrazzjawk tal-interess tiegħek li żżur il-QEA!​